تجديد السجل التجارى و رسوم الغرفة التجارية

امتى اقدر اجدد السجل التجارى الخاص بشركتى ؟
تجديد السجل التجارى بيكون كل خمس سنين و انت بتجدد السجل التجارى ماتنساس ان فى اشتراك الغرفة التجارية لازم بيندفع كل سنة و ده بيكون مقداره 2 فى الالف على رأس مال الشركة بحد أقصى 2000 جنيه
وكمان ماتنساش موضوع الغرامة فى حالة التاخر فى سداد الاشتراك السنوى للغرفة التجارية بيكون 25% من المبلغ اللى المفروض بيندفع
مثال : راس مال الشركة 100 الف جنيه المفروض اشتراك الغرفة التجارية بيكون 200جنيه و الغرامة فى حال التاخير بتكون 50 جنيه يعنى اجمالي المبلغ بالغرامة هيكون 250ج
وعشان كده بننصح بعدم رفع رأس مال الشركة الا للحاجة عشان مصاريف التأسيس و الاشتراكات السنوية ماتكونش مكلفة