لما تيجي تأسس شركة تضامن او توصية بسيطة يبقى أنت كده بتختار شركتك تبقى من شركات الاشخاص مش من شركات الأموال ,,
ولازم تعرف كويس قبل ماتأسس شركتك أن القانون حدد انشطة معينة يخضع جميع الشركاء فيها للاستعلام الأمنى و ده بياخد وقت من 3 أشهر الى 6 أشهر ومش هتعرف تطلع السجل التجارى لغاية ماتيجي الموافقة الأمنية و الموافقة الأمنية لما بتطلع بيكون ليها رقم موافقة بينزل فى السجل التجارى ودي حاجة طبعا كويسة وبتدعم السجل التجاري بتاعك للتعامل مع جهات كتيرة ومن ضمن الاسباب اللي بتدي ثقة لشركتك للشركات اللى بتتعامل معاها شركتك ..
و لو انت مستعجل على السجل التجارى و نشاطك من ضمن الانشطة اللى هنذكرها فى المقالة يبقي افضل حاجة تأسسها شركة اموال ( شركة ذات مسؤولية محدودة او شركة مساهمة – خاضعة لاحكام قانون الاستثمار ) و دى طبعا نوع من انواع الشركات اللي ليها ثقة بردو و سجلك التجارى بيطلع فى خلال ايام
والانشطة اللى محتاجة أستعلام أمنى هى :
– الأنترنت
– الكمبيوتر ومستلزماته
-الطباعة و النشر
-الأعلام
-الدعاية و الاعلان
-تصوير المستندات
-البلاي ستيشن
-التنمية البشرية
-اللغات و الترجمة
-التسويق الألكترونى
-الأنتاج الفني بأنواعه
-تنظيم المعارض و المؤتمرات و الحفلات
-التدريب و التعليم و المدارس و الحضانات و المعاهد
-توريد و توظيف وتشغيل العمال ( يوجه الى هيئة الاستثمار)
-الأمن والحراسة ( يوجه الى هيئة الاستثمار)
-كل اجنبي يريد أستخراج سجل فردى او شريك فى شركة او مدير
