شركتك بدون مقر مميزات و عيوب

شركة بدون مقر
القانون سمح لشركات الأموال( شركات المساهمة و شركات ذات مسؤولية المحدودة و شركة الشخص الواحد ) انها تتأسس بدون مقر ودي حاجة قانونية وسمح بيها القانون وهيئة الأستثمار مش بتطلب منك عقد ايجار اول سنة ولا الضرايب بتعمل معاينة علي مقر الشركة أما شركات الاشخاص ( شركات التضامن و شركات التوصية البسيطة و المنشأة الفردي ) لازم يبقي في مقر قبل عمل أي أجراء من أجراءات تأسيس الشركة،،
بس لازم تعرف مميزات وعيوب تأسيس شركة بدون مقر أول سنة
مميزات تأسيس شركة اموال بدون مقر:
١- اول سنة مش بيبقي في تكلفة مقر
٢- تقدر تجرب السوق بدون تأسيس وفرش مقر عشان لو لاقدر الله لو نشاط شركتك تعثر تقدر تعمل تصفية بأقل الخسائر
٣- تقدر تتعاقد مع أي جهات حكومية وغير حكومية بورق شركتك وتشتغل في اسرع وقت
عيوب تأسيس شركة اموال بدون مقر :
١- لو هتفتح ملف تاميني لشركتك مش هتعرف في اول سنة عشان التأمينات بتنزل تعمل معاينة و تفتيش بس غالبا اغلب الشركات مش بتفتح ملف تأميني اول سنة 
١- لاحظ شهادة القيمة المضافة لو هنستخرجها اول مرة بتطلع مؤقتة لمدة ٦ شهور بدون اي معاينات من الضرايب وبعد كده هتحتاج مقر لتجديد الشهادة اما لو نشاطك مش بيستلزم استخراج شهادة القيمة المضافة او حجم تعاملك مش معدي ال٥٠٠ الف لبعض الانشطة  يبقي هتقدر تستفيد بالسنة كلها بدون مقر
٣- لاحظ تغيير العنوان هيكلفك رسوم واتعاب تعديل الشركة في تاني سنة