شركات تكنولوجيا المعلومات و البرمجة
الفترة الاخيرة من خلال احتكاك فريقنا بالسوق و تأسيسنا للعديد من شركات البرمجة على مدار السنة اللي فاتت لاحظنا ارتفاع و توجه فى انشاء و تأسيس شركات البرمجة وبناء عليه خصصنا المقالة دى عشان نقولك بعض المعلومات عن شركات البرمجة لازم تخلى بالك منها و انت بتأسس شركتك :
اول حاجة و انت بتأسس شركة برمجة لازم تخلى بالك من الشكل القانونى و القانون المنظم لشركتك و تعرف ان انسب شكل قانونى يبقى شركة اموال يعنى شركة مساهمة او شركة ذات مسؤولية محدودة و يكون القانون المنظم ليها قانون رقم 72 لسنة 2017 و الاستفادة بالمميزات اللي بيقدمها قانون رقم 72 لسمة 2017 ,,
اوعى و انت بتأسس شركة برمجة داخل هيئة الاستثمار تأسسها تبع قانون 159 لسنة 1981 و أسسها تبع قانون 72 لسنة 2017 عشان تستفيد بأكبر قدر ممكن من المميزات ,,
المميزات اللى بتسفيد بيها من تأسيس شركة برمجة داخل هيئة الاستثمار تحت مظلة قانون 72 لسنة 2017 :
- في حالة تأسيس شركة البرمجة تحت مظلة قانون 72 لسنة 2017 بيتم اعفاء شركتك من رسوم الاشتراك في الغرفة الصناعية و ده تكلفته بتصل الي 2800ج تقريبا ,,,
لكن لو اسستها تبع قاتون 159 لسنة 1981 هتدفع الرسوم بتاعت الغرفة..
- فى حالة تأسيس شركة برمجة داخل هيئة الاستثمار مش هيكون فى استعلام امنى على الشركاء و تقدر تستخرج سجل تجارى و بطاقة ضريبية و عقد تأسيس فى اقل من اسبوع ,,
اما لو اسست شركة البرمجة خارج هيئة الاستثمار هيتم اخضاع الشركاء لاستعلام امنى و ده بياخد من 3 شهور ال 6 شهور وفى بعض الحالات بيعدى ال6 شهور
- لما تأسس شركة برمجة داخل هيئة الاستثمار هتقدر تأسسها اول سنة شركة بدون مقر و تستخرج ليك كل الاوراق القانونية من سجل تجارى و بطاقة ضريبية و عقد تأسيس و شهادة الغرفة التجارية و شهادة القيمة المضافة و كمان حساب بنكى بأسم شركتك
- لما تأسس شركة برمجة داخل هيئة الاستثمار هتقدر تستفيد بكل المميزات الخاصة بشركات الاموال الاخرى
