قبل ماتبتدى فى تأسيس شركتك لازم تعرف الفروق الجوهرية بين شركات الأشخاص وشركات الأموال عشان تعرف تاخد قرار سليم قبل ماتبتدى الشكل القانونى لشركتك ,,,
وأهم فرق جوهرى بينهم فى المسؤلية والألتزامات لدى الغير ,,,
بمعنى أن شركات الأشخاص و هنا بنتكلم عن الشركاء المتضامنين مش الموصيين و الشريك المتضامن هنا بيكون مسؤول مسؤولية في أمواله الشخصية يعنى لو الشركة رأس مالها مثلا 100 الف جنيه و عليها التزامات مادية تجاه الغير او لاقدر الله الشركة عليها ديون فوق ال100 الف و الشركة مش عارفه تسدد فهنا الشريك المتضامن هيكون مسؤول فى أمواله الشخصية واى املاك بأسمه بتكون معرضه للخطر فى حالة وجود ديون على الشركة ..
أما شركات الاموال فكل شريك مسؤول بقدر حصته فقط على التزامات و ديون الشركة بعيد تماما عن اموال الشخصية ..
وده اول فرق جوهرى و مهم بين شركات الاشخاص و الأموال
