أنسب شكل قانوني لشركات التسويق العقارى
تم التوضيح فى مقالات سابقة الفرق بين شركات الاشخاص و شركات الاموال و الأنشطة الواجب عليها الاستعلام الامنى على الشركاء فى شركات الاشخاص ,,
و نشاط التسويق العقارى من ضمن الأنشطة التي يطبق عليها أستعلام أمنى على الشركاء فى حالة اختيار الشكل القانونى شركة اشخاص ( شركة تضامن او توصية بسيطة ) و الأستعلام الأمنى بياخد وقت كبير من 3 شهور الى 6 شهور و فى بعض الأحيان بيعدي فترة ال6 شهور
ولكن
لو شركة التسويق العقارى هيتم تأسيسها شركة من ضمن شركات الأموال داخل هيئة الأستثمار ( شركة ذات مسؤولية محدودة او شركة مساهمة ) مش هيكون في أستعلام أمنى على الشركاء و تقدر تستلم سجل تجارى و بطاقة ضريبية و عقد التأسيس في خلال 10 أيام و تبتدى شغلك بشكل قانونى مظبوط ,,
وعشان كده بنفضل لو نشاطك تسويق عقارى و مستعجل على الشغل ومش عايز تاخد وقت كبير فى استخراج الاوراق انك تأسس شركة ذات مسؤولية محدودة و ده الشكل الاسهل و الابسط فى شركات الاموال ,,
