وانت بتأسس منشأة فردية في مستندات لازم تكون محضرها وبعد كده بتمشي خطوات
* المستندات المطلوبة :
– عقد ايجار مثبت التاريخ من الشهر العقارى التابع له عنوان مقر المنشأة ولازم تكون مدة العقد لاتقل عن سنة ولاتزيد عن 9 سنوات عشان تقدر تاخد عليه اثبات تاريخ او عقد تمليك موثق شهر عقارى
– ايصال كهرباء حديث لم يمر عليه 3 شهور لو المقر ايجار او مقايسة توصيل كهرباء لو مقر المنشأة مملوك لصاحب المنشأة الفردية
– اصل الرقم القومى لصاحب المنشأة سارية و للوكيل فى حالة وجود وكيل
– توكيل رسمى عام ف حالة وجود محامى او محاسب قانونى يتولى اجراءات التأسيس
* الخطوات المتبعة فى تأسيس المنشأة :
– التوجه الى مأمورية الضرائب التابع لها مقر النشاط طبقا للعنوان فى ايصال الكهرباء لفتح النشاط و عمل محضر مناقشة مع مأمور الضرائب
– تقديم المستندات التالية الى مأمور الحصر بالضرائب لتحديد معاينة ( عقد ايجار مثب التاريخ – و الرقم القومى – ايصال كهرباء ) مع ملاحظة ان المأموريات التى تم دمجها التقديم بيكون اونلاين من خلال موقع مصلحة الضرائب
– بعد المعاينة بيتم استلام وثيقة البيانات موجهه للغرفة التجارية
– التوجه الى الغرفة التجارية بالمستندات السابقة لاستخراج شهادة ترخيص بمزاولة التجارة و يراعى تحديد البيانات التالية ( السمة التجارية + رأس المال + عنوان مقر النشاط ) ولاحظ ان رسوم الغرفة التجارية 2*الالف من رأس المال بحد اقصى 2000ج + الدمغات و رسوم شهادة مزاولة التجارة
وللاهمية ينصح بعدم وضع رأس مال قليل حتى لو هيزود من مصاريف التأسيس عشان راس المال الضعيف فى السجل التجارى ممكن يخلى الشركات اللى انت مطلع السجل التجارى عشان تتعاقد معاهم يبصوا لشركتك نظرة ضعيفة و ده فى الاول و الاخر انت اللى بتحدده عشان انت اكتر حد عارف طبيعة تعاملاتك التجارية او ممكن نساعدك فى تحديده
– التوجه الى السجل التجاري بكل المستندات السابقة لاستخراج سجل تجارى
