الفرق بين شركات الاشخاص و الاموال 2

الفرق بين شركات الاشخاص و شركات الاموال (2)
الفرق الاول بخصوص حصص رأس المال و التنازل عنها : فى شركات الاشخاص الحصص مش شرط تكون متساوية و مش هينفع تبيعها لاى حد او تتنازل عنها غير بموافقة الشركاء كلهم لان شركات الاشخاص  قائمة على الأعتبار الشخصى أما فى شركات الاموال لازم الحصص تكون متساوية بناء على القيمة الاسمية للسهم و ممكن تتنازل عنها لاى حد بدون موافقة الشركاء ..
الفرق الثانى بخصوص الملكية : فى شركات الاشخاص المليكة غير منفصلة عن الادارة اما فى شركات الاموال الملكية منفصلة عن الادارة بمعنى انك ممكن تمتلك اسهم فى شركات الاموال ( المساهمة ) و بيكون فى مجلس ادارة يختص بادارة الشركة ..
الفرق الثالث بخصوص القرابة : بما ان شركات الاشخاص قائمة على الاعتبار الشخصي فلازم الشركاء يكونوا عارفين بعض و بيكون بينهم علاقة قرابة او صداقة او جيرة مثلا … الخ اما فى شركات الاموال طبيعى جدا يكون المساهمين مش عارفين بعص ..
الفرق الرابع اكتساب صفة التاجر : فى شركات الاشخاص لازم الشريك المتضامن يكتسب صفة التاجر اما فى شركات الاموال لايكتسب المساهمين صفة التاجر فهم مساهيمن و ليس تجار ..
الفرق الخامس بالنسبة لانحلال الشركة : فى شركات الاشخاص الشركة بتنحل بموت او فقدان اهلية الشريك  المتضامن الا اذا قرر احد الشركاء شراء نصيب الشريك الخارج او بموافقتهم على حلول احد الورثه مكانه لانها قائمه على اعتبار شخصى اما فى شركات الاموال لاتنقضي الشركة بموت او فقدان اهلية احد الشركاء وله ان يبيع لاي شخص كان حصته ..
الفرق السادس فى توزيع الارباح  و الخسائر : فى شركات الاشخاص اذا لم ينص العقد على حصص توزيع الارباح و الخسائر فبطبيعة الحال توزع الارباح و الخسائر على حسب حصص الشركاء فى رأس المال ولكن فى شركات الاموال دائما يكون توزيع الارباح و الخسائر على مقدار حصص الشركاء ..
الفرق السابع فى اصدار الاسهم و السندات : شركات الاشخاص ليس لها الحق فى اصدار سندات او اسهم و شركات المساهمة فقط هى التى لها الحق فى اصدار السندات و الاسهم
مشاركة
إقرأ أيضا
القائمة